Maxfiylik siyosati

Oxirgi yangilanish:

Ushbu sahifa ai.topsmm.uz xizmati (Telegram, Instagram, Facebook Messenger va veb-vidjet orqali ishlaydigan AI mijozlar xizmati yordamchisi, keyingi o'rinlarda — "Xizmat") qanday shaxsiy ma'lumot yig'ishi, ishlatishi, saqlashi va himoya qilishini tushuntiradi. Xizmat egasi va operatori — TOPSMM MCHJ. Xizmatdan foydalanish (biznes egasi sifatida ulanish yoki mijoz sifatida yozishmani boshlash) ushbu siyosatga rozilik bildirishni anglatadi.

1. Qanday ma'lumot yig'amiz

• Kabinet egalari (biznes egalari): email, ism, parol (bcrypt bilan xeshlangan holda saqlanadi, hech qachon ochiq matnda emas), biznes nomi.
• Mijozlar (yakuniy foydalanuvchilar): Telegram/Instagram/Messenger orqali yozilgan xabarlar matni, foydalanuvchi ID/username (platforma tomonidan berilgan), yuborilgan rasm/ovoz/ video fayllar (AI tahlili uchun ishlatiladi).
• Instagram integratsiyasi uchun (Meta Platform Data):
  • Instagram Business/Creator akkaunt ID'si va username'i;
  • bog'langan Facebook sahifa ID'si va nomi (agar shu usulda ulangan bo'lsa);
  • sahifa/akkaunt kirish tokeni (bazada shifrlangan holda saqlanadi);
  • Direct (shaxsiy) xabarlar matni;
  • post/reels izohlari (kommentlar) matni va muallif ID'si.
  Bular FAQAT mijozlar xizmati AI javobini shakllantirish va kommentlarni boshqarish uchun ishlatiladi. Instagram statistikasi (insights) hozircha Xizmat tomonidan yig'ilmaydi.
• To'lov cheklari: hisobni to'ldirish uchun yuklangan chek skrinshotlari — faqat to'lovni tasdiqlash maqsadida saqlanadi.

2. Ma'lumotdan qanday foydalanamiz

• Mijoz xabarlariga (jumladan Instagram Direct va kommentlarga) AI orqali avtomatik javob shakllantirish uchun.
• Biznes egasiga o'z mijozlari bilan yozishmalar tarixini ko'rsatish uchun (kabinet).
• Xizmat sifatini oshirish, xatolarni aniqlash va xavfsizlikni ta'minlash uchun.
• To'lovlarni tasdiqlash va hisob balansini yuritish uchun.

3. AI provayder va uchinchi tomonlar bilan almashish

Mijoz xabari matni (va rasm/ovoz bo'lsa, shu media) javob generatsiya qilish uchun Google Gemini APIga (Google LLC) yuboriladi. Instagram Direct/komment yuborish-qabul qilish uchun Meta Graph API, Telegram orqali xabar almashish uchun Telegram Bot API ishlatiladi. Ma'lumot HECH QACHON reklama maqsadida sotilmaydi yoki uchinchi tomonlarga ijaraga berilmaydi.

AI modelini o'qitish haqida: Google Gemini API orqali yuborilgan ma'lumotlarning Google tomonidan qanday ishlatilishi (jumladan, model o'qitishda ishlatilish-ishlatilmasligi) Google'ning API foydalanish shartlariga bo'ysunadi — bu masala Xizmatning o'ziga emas, Google bilan tuzilgan API kelishuviga bog'liq. Batafsil: Google Gemini API Additional Terms of Service.

4. Ma'lumotni saqlash muddati va o'chirish

Yozishmalar tarixi biznes egasi hisobini o'chirguncha yoki quyidagi muddat o'tguncha saqlanadi: Yozishmalar (xabarlar tarixi): so'nggi faollikdan keyin 24 oy. Instagram/Facebook kirish tokenlari: akkaunt uzilgan zahoti (kabinetda "Instagram ulanishini uzish" bosilganda) darhol bazadan o'chiriladi. Buxgalteriya/soliq hujjatlari (to'lov cheklari va tranzaksiyalar) — O'zbekiston qonunchiligi talab qiladigan muddat davomida saqlanadi. Batafsil tartib uchun Ma'lumotlarni o'chirish sahifasiga qarang.

5. Xavfsizlik

Maxfiy ma'lumotlar (bot tokenlari, Instagram/Facebook kirish tokenlari) bazada AES-256-GCM (autentifikatsiyalangan shifrlash) bilan shifrlangan holda saqlanadi. Parollar bcrypt bilan xeshlanadi. Kabinet sessiyalari httpOnly cookie orqali himoyalangan. Instagram/Facebook webhook so'rovlari HAR safar raqamli imzo (X-Hub-Signature-256) orqali tekshiriladi.

6. Foydalanuvchi huquqlari va ruxsatni bekor qilish

O'z ma'lumotlaringizga kirish, ularni tuzatish yoki o'chirishni so'rash huquqiga egasiz. Instagram ulanishini istalgan vaqt kabinetdan (yoki Instagram/Facebook sozlamalaridan) uzishingiz mumkin. To'liq o'chirish tartibi — Ma'lumotlarni o'chirish sahifasida.

7. Bog'lanish

Xizmat egasi: TOPSMM MCHJ. Maxfiylik bilan bog'liq savollar uchun: support@topsmm.uz